Еңсепов Асылбек 1980 жылы 5- сәуірде Ақтөбе қаласында дүниеге келген. Күйші, «Дәкко» деп аталатын жаңа жанрдың авторы әрі орындаушысы, Қазақстан Жастар Одағы сыйлығының лауреаты(1998) , Құрманғазы атындағы халықаралық байқаудың лауреаты, «Алтын диск-2000» фестивалінің «шебер орындаушы» атағын алды, халықаралық эстрада және фольклор музыкасы «Ыстық көл-1998» байқауының лауреаты, «Гран-При» жүлдесінің иегері, Түркияда өткен халықаралық фестивальдің, Франциядағы Бүкілдүниежүзілік Бритон атындағы фестивальдің лауреаты. «Жаңа есімдер» атты Қазақстан мәдениет қорының степендиаты. Күйші Франция, Германия, Израиль, Түркияда, сондай-ақ ТМД елдерінің біразында жеке өнер сапарларында болып, қазақ күй өнерінің құдіретін танытты.