1961 жылы
Ақтөбе облысы Әйтеке би ауданы Жабасақ ауылында туған. Қазақстан Республикасының
еңбек сіңірген артисі. Профессор. 1982 жылы Ақтөбе музыка училищесін, 1987 жылы
Құрманғазы атындағы Алматы мемлекеттік консерваториясын, 1992 жылы
аспирантурасын бітірген. 1987-1997 жылдары Арқалық қаласындағы Торғай облыстық
музыка колледжінде, 1997-1998 жылдары Целиноград музыка колледжінде оқытушы,
1997-2010 жылдары Астана мемлекеттік филормониясы жанынан құрылған ұлт аспаптар
оркестрінің бас консертместері болды. 1998 жылдан Қазақ ұлттық музыка
академиясында еңбек етеді. Республикалық «Жігер » фестивалінің лауреаты,
Құрманғазыға арналған республикалық конкурсының лауреаты, Ташкентте өткен
Бүкілодақтық фестивальдің бірінші орын иегері. Бүкілодақтық «Мелодия» фирмасынан
күйтабағы шықты. АҚШ, Ұлыбритания, Қытай, Албания, Жапония, Түркия, Франция,
Белгия, Ресей, Балтық жағалауы елдері, Молдавия мемлекеттерінде өнер көрсетті.
«Күйдің ішкі сыры» зерттеу кітабы жарық көрген. «Қазақстан Республикасының
Тәуелсіздігіне 20 жыл» медалімен марапатталған.