ЖАНАР
АЙЖАНОВА
1968 жылы Ақтөбе
облысы Шалқар ауданы Тұмалыкөл ауылында туған. Әнші. Қазақстан Жастар одағы
сыйлығының лауреаты. Орта мектепті аяқтағаннан кейін Шалқар ауданының мәдениет
бөлімінде автоклуб меңгерушісі болып жұмыс істеді. 1991 жылы Абай атындағы
Қазақ педагогикалық институтының музыка факультетін бітіргеннен кейін Сүйінбай
атындағы Алматы облыстық
филармониясында, «Адырна» фольклорлық- этнографиялық ансамблінде, «Гүлдер»
ансамблінде әнші болды. Қытай, Моңғолия, Иран және басқа елдерге өнер сапарлары
әншіні көпке танытты. Ол шырқаған «Сәулем-ай», «Ана туралы аңыз», «Төлегеннің
әні», «Керім-ау, айдай», т.б. халық әндері тыңдарманның жоғары бағасын алды.