Оразов Қали 1898 жылы Байғанин ауданы Теректі
ауылында дүниеге келді. Зергер. Әкесі Ораз Медетов асқан зергерлік өнерімен атағы шыққан.
Бұйымдары «Көкжар» жәрмеңкесінде сатылған.
Өнерді әкесінен, әкесінің інісі Қозыбайдан мирас еткен.
Білезік, өңіржиек, түйме, сақина, сырға, тағы да басқа бұйымдар соғып,
оларды алтынмен аптап,
күміспен күптеген. Ол қалыпқа салу арқылы қысу-бедерлеу,
оюластыру тәсілдерін пайдаланған.
1972 жылы қазанда Алматыда қолөнер шеберлерінің республикалық
көрмесіне өзі қатысып, көрменің дипломанты атанды.