АСЫЛХАНОВ
ЖАЙЛАУБАЙ
1964 жылы 2 шілдеде Ақтөбе
облысы Байғанин ауданы Оймауыт ауылында туды. Күйші. 1987 жылы Ақтөбе музыка
колледжін, 1997 жылы Құрманғазы атындағы Алматы консерваториясын бітірген.
1987-1992 жылдары Ақтөбе облыстық филармониясының домбырашысы, 1992-1995
жылдары филармонияның «Домбыра дастан» ансамблінің көркемдік жетекшісі болды.
1994 жылдан бері А.Жұбанов атындағы музыка колледжінде домбыра класынан сабақ
береді. Репертуарында Құрманғазы, Дәулеткерей, Қазанғап, Дина, Абыл, Естай,
Сүгір, Құлшар, Есір тәрізді халық композиторлары мен қазіргі сазгерлердің
100-ден астам күйі бар. Ресей қалаларында, Францияда өнер көрсетті. Қашаған
жырауға арналған республикалық өнер сайысының жеңімпазы. «Ерен еңбегі үшін», «Қазақстан Республикасы
Тәуелсіздігіне 20 жыл» медальдарымен марапатталған. Қазақстан Республикасы
білім беру ісінің Құрметті қызметкері. ҚР «Мәдениет саласының үздігі».