Шүкіров Сұлтанғали
(1946-2012)
1946 жылы
18 қаңтарда Ақтөбе облысы Мұғалжар ауданы Мұғалжар стансасында туған.
Эстрада-цирк артисі, эллюзионист. Қазақстанның халық артисі. 1967 жылы Алматы
эстрада-цирк студиясын бітіріп, «Қазақконцерт»
артисі болды. 1972, 1976, 1983 жылдары Мәскеуде эстрада өнерінің
Бүкілодақтық шығармашылық шеберханасында оқыды. 1974 жылы Мәскеуде өткен V Бүкілодақтық
эстрада артисі конкурсында бірнеше орын алуы шығармашылық жетістіктердің басы
болды. Зайыбы Сара Қабиғожина екеуі «Қандай ғажайып бұл әлем» (музыкасы Давид
Тухмановтікі) атты бірден-бір таңғажайып нөмірмен барлық жер шарын аралап
шығады. 1978 жылы Карлово-Вары (Чехословакия) мен Парижде (Франция) өткен иллюзионистердің халықаралық конкурстарында Гран-приге
ие болды. Сол жылы Гаванада өткен жастар мен студенттердің Бүкілдүниежүзілік XI
фестивалінің алтын медалін алып, лауреат атанды. 1979 жылы Брюссельде (Бельгия) өткен
иллюзионистердің Бүкіләлемдік конгресінде Гран-при иеленді. Қазақ мемлекеттік
қуыршақ театрының режиссері, көркемдік жетекшісі, директоры болып, Ж.Елебеков
атындағы эстрада және цирк өнері колледжінде жас артистерге пантомима, жонглерлік,
иллюзия мен манипуляция жанрында педагогтік қызмет атқарды. Бүкілодақтық Ленин
комсомол сыйлығының лауреаты (1980).