Наурызов Байеділ Обайдоллаұлы 1948 жылы 24
наурызда Ақтөбе облысы
Шалқар ауданы Айшуақ
ауылында дүниеге келді. Театр артисі, «ҚР
мәдениет қайраткері» (2000). Т.Жүргенов атындағы өнер және кино институтының
актерлік факультетін бітірген (1970). 1970-1997жылы Қазақтың М.Әуезов атындағы Мемлекеттік
Академиялық драма театрының артисі. Театр сахнасында көптеген спектакльдерде
жетекші рөльдерде ойнады: «Ана-жер Анада» Жайнақ, «Қан мен терде» -Рай,
«Жоғалған достар» - Маңғас, «Келіндер көтерілісінде» Мамыр, «Айман-Шолпанда»
Көтібар батырдың Досын сомдады. 1989-1997 жылы Академиялық театр директоры - көркемдік
жетекшісінің орынбасары қызметін қосып атқарды. 1997жылы Қазақстан театр қайраткерлері одағының
вице-президенті, республикалық өнерді қолдау қорының бөлім бастығы.