Тастанов
Хабидола
(1926-1980)
1926 жылы 12
шілдеде Ақтөбе облысы Мұғалжар ауданы Жаңатұрмыс ауылында туған. Қазақ музыка
зерттеушісі, композитор, профессор, доцент. Қазақ КСР-інің еңбек сіңірген өнер
қайраткері (1972). КСРО Композиторлар Одағының мүшесі (1962). 1950 жылы
Құрманғазы атындағы Алматы консерваториясын домбыра класы бойынша бітіріп,
консерваторияның халық аспаптары кафедрасында ұстаздық етті. «Алатау аясында», «Тыңға
аттану», «Қазақ биі», «Қуанамын», «Романс», т.б. аспаптық және вокалдық
шығармалары бар. «Домбыра оркестрін қалай ұйымдастыру керек», «Алғашқы домбыра
үйрену мектебі», «Домбыра оркестрі», «Дирижерлік етудің негіздері» (Л.Хамидимен
бірге) атты кітаптар жазған. 1959-1961 жылдары КСРО Мәдениет министрлігінің
жолдамасымен Ұлан-Батыр қаласында (Моңғолия) моңғол өнері онкүндігін ұйымдастыру және өткізу жұмысына басшылық
жасады. Баян-Өлгий музыкалық драма театры жанында қазақтың тұңғыш халық
аспаптар оркестрін ұйымдастырды. Осы еңбектері үшін 1960 жылы Моңғолияның
«Алтын жұлдыз» орденімен марапатталды. 1963 жылы Кеңес-Моңғол достығы қоғамы
басқармасының қазақ бөлімінің мүшесі болды.