Жұбанов Ақырап
(1927-2007)
Жұбанов Ақырап
Құдайбергенұлы 1927 жылы 7 қарашада Ақтөбе
қаласында дүниеге келген.
Қазақстан Республикасының еңбек сіңірген мәдениет қызметкері. Қазақстан
Суретшілер академиясының академигі.
Қазақстан Суретшілер одағының мүшесі. Алматы көркемсурет училищесін(1949),
Ленинградттың В.И.Мухина атындағы жоғары
көркемсурет және өндіріс училищесін(1958) бітірген. 1958-1963 жылдары
Қазақ КСР Ғылым академиясының М.Әуезов атындағы
Әдебиет және өнер
институтында ғылыми қызметкер,
реферант, Қазақ КСР жергілікті өнеркәсіп министірлігінің бас суретшісі, 1963-1992 жылдары Алматы көркемсурет училищесінің директоры болды. Суретшінің көптеген еңбектері
Бүкілодақтық, республикалық
көрмелерге қойылған, 30-ға тарта мақаласы газет –журналдарда жарияланған. Негізгі еңбектері:
«И.Е.Репин-орыстың ұлы суретшісі»(1955) «Қ.Телжанов шығармашылығы
туралы»(1960), «Жайлау туралы
ән», «С.Мәмбеев шығармашылығы
туралы»,(1960), Алматы геология мұражайы қойылымдары мен безендіру
жұмыстарының жобасы(1968),
«К.Тыныбеков туралы естелік» (1983). Ол Қазақстанның«Атакент»іскерлік-ынтымақтастық
орталығының «Қазақстан» (1959), «Жеңіл
өнеркәсіп» (1960), «Қазақстанның ауыр өнеркәсібі»(1966-1967) павильондарын, Алматыдағы
геология мұражайының (1968)
безендіру жобасының авторларының бірі. Екі медальмен, КСРО Жоғары
және арнаулы орта білім
министірлігінің белгісімен марапатталған.