Басығараев Бақыт
Шаңбатырұлы 1926 жылы 14 қаңтарда Қызылорда облысы
Арал ауданы Құланды ауылында дүниеге
келді. Домбырашы, сазгер, термеші, халық
композиторы Қазанғаптың күйшілік дәстүрін жалғастырушы, «Қазақстанның еңбек
сіңірген қызметкері» (1998) Гурьев политехникалық техникумын бітірген,
ұзақ жыл Бұхара-Орал газ құбырында еңбек еткен, 13 жасынан домбыра тартады. Жастайынан
өнерге құштар болып Дәулеткелді, Әбдіғали, Жұмалы, Қадыралы деген
домбырашылардан Қазанғап күйлерін үйренеді. Әлиманың әнін Батақтың Сарының
әндерін Нұртуғанның термелерін, Сыр бойының махамдарын орындайды. Академик А.Жұбановпен
хат алысып тұрған. Тікелей музыкалық мамандық алмаса да Бақыт Басығараев өзінің
саналы ғұмырында Қазанғап күйлерінің кеңінен насихатталуына зор үлес қосты. 1984
жылы Б.Басығараевтың орындауындағы Қазанғап күйлері өнертанушы, ғалым-ұстаз
Абдулхамит Райымбергеновтың «Ақжелең» атты кітабына алғаш рет нота үлгісімен
және күйлердің шығу тарихымен түсіріліп жарық көрді. Бақыт Басығараев 1987
жылдан бастап өзі өмірден озған 2000 жылдың аралығында Қазанғап күйлерін
насихаттау мақсатында Алматы, Ақтөбе қалаларында, республиканың
түкпір-түкпірінде күй кештерін өткізді. Осы еңбектері үшін күйшіге 1998 жылы
Қазақстанның еңбек сіңірген қызметкері атағы берілді. 2001 жылы
22 сәуірде Ақтөбе облысында дүниеден
озды.