Шүйіншалин Мағзым 1937 жылы
Әйтеке би ауданы Тасөткел
ауылында дүниеге келген. Сазгер,
домбырашы. Алматыда Құрманғазы атындағы консерваторияда (1958) оқыды.
А.Жұбановтың ең талантты шәкірттерінің бірі. 1958-1960 жылдары Қарабұтақ ауданы
мәдениет үйінде домбырашы. 1961-1965 жылдары мәдениет үйінің директоры. 1965-1970
жылдары аудандағы мәдениет бөлімінде
әдіскер. 1970-1980 жылдары Т.Бітімбаев атындағы балалар музыка мектебінде дәріс
берген. 1980-1985 жылдары А.Жұбанов атындағы ұлт аспаптары оркестрінің
жетекшісі. Оркестр облыстық, республикалық
байқауларға қатысып, көбіне бірінші орынға ие болды. 1985-1988 жылдары Тасөткел
ауылдық клубтың қызметкері. Ол Қазанғаптың «Көкіл», «Күй басы», «Домалатпай»,
«Майда қоңыр», Құрманғазының «Қайран шешем», «Аман бол шешем, аман бол»,
«Кісен ашқан», «Адай», А.Жұбановтың шығармаларын да шебер орындап, шәкірттеріне
үйретті. 1988 жылы Әйтеке би ауданы
Тасөткел ауылында дүниеден өтті.