Ізімова
Тойған
1951жылы
5қыркүйектеАқтөбе облысы, Хромтау(бұрыңғы Новоресей) ауданы, Мамыт ауылында
туған. Биші, педагог. Қазақ КСР-інің еңбек сіңірген артисі (1987). Алматы
эстрада-цирк өнер студиясын (1971), Қазақ ұлттық өнер академиясын (1991)
бітірді. Бишілік өнер жолын Ақтөбе облыстық филармониясында 1968 жылы бастаған
ол бұрынғы Торғай облысы «Шертер» фольклорлық ансамблінде (1971-1976),
Целиноград (Ақмола) облыстық филармониясында (1976-1982), «Сазген» ансамблінде (1982-1985),
«Алтынай» би ансамблінде (1985-1995) жеке биші болып жемісті өнер көрсетті. Ол
жеке билеумен қатар алғаш рет жұбайы Ү.Мақанмен жұптасып билеу арқылы да
көпшілікке кеңінен танылды. Бірнеше би бағдарламаларын әзірлеп, сахнаға
шығарды. 1998 жылы қазіргі Алматы эстрада-цирк өнері колледжінде педагогтік
қызметпен айналысады. Мәскеуде өткен Бүкілдүниежүзілік жастар мен студенттердің
XII фестивалінің дипломанты, Бельгияда өткен халықаралық би фестивалі мен
Қазақстандағы I республикалық бишілер байқауының (1985) жүлдегері.