Фоменко Владимир Никифорович
(1941-2013)
1941жылы
14мамырда Ресейдің Новосибирск облысы Веселовский ауданында туған. Қазақстан
Республикасына еңбек сіңірген қайраткері. Еңбек жолын Алматы облысы Қаскелен
ауданы Мәдениет үйінің эстрада оркестрі жетекшісі болып бастаған.
1960-1962жылдары Өскемен қаласында музыка училищесінде оқыған. 1962-1964жылдары
Құрманғазы атындағы Алматы мемлекеттік консерваториясында оқып жүріп, қазақ
опера театрында симфония оркестрінде орындаушысы және Орта Азия әскери округі
ән-би ансамблдерінің, Абай атындағы опера және балет театрының артисі болды.
1972-1995жылдары Ақтөбе қаласындағы А.Жұбанов атындағы музыкалық училищеде
үрлеме, соқпа аспаптар бөлімінің оқытушылығының директорлығына дейін көтерілді.
Ақтөбе қалалық мәдениет бөлімінің музыкалық эстрада-үрлеме оркестрін құрушы,
оның көркемдік жағын басқарушы және дирежері болып жұмыс істеді. «Астана»
медалімен , КСРО Мәдениет министрлігінің
«Озық жұмысы үшін» белгісімен марапатталған. Ақтөбе қаласының Құрметті азаматы.