Құдайберген
Димаш Қанатұлы
Құдайберген Димаш
Қанатұлы 1994 жылы
24 мамырда Ақтөбе
қаласында туған. «Славян базары-2015»
конкурсының Гран - при иегері,
Ұлттық «Халықтың сүйіктісі»
сыйлығының лауреаты. Қазақстан Президентінің Құрмет
грамотасымен марапатталған.
«ABU TB
song» халықаралық
телефестиваліне қатысушы. 6
жасында «Фортепиано» номинациясы
бойынша республикалық «Айналайын» конкурсының лауреаты
болды. 2010 жылы «Байқоңырдың күміс
дауыстары» атты халықаралық
фестивальдің лауреаты (1 орын
), 2012
жылы жас орындаушылардың
республикалық «Жас қанат» конкурсының Гран-при
иегері, эстрадалық ән орындаушылардың «шығыс
базары» халықаралық телеконкурсының лауреаты,
бір жылдан соң
жас орындаушылардың «Мейкин Азия» бірінші
халықаралық фестивальінің жеңімпазы
атанды. 2014 жылы А.Жұбанов атындағы
Ақтөбе музыкалық колледжін
бітіріп, Қазақ Ұлттық
университетіне түсті. Витебскіде
өткен эстрадалық әндерді
орындаушылардың XXIV «Славян
базары-2015» конкурсында
Гран-при алуы Димаштың
даңқын кеңінен танытты.
Сол жылы Стамбул қаласында әлемдік
таңдаулармен бірге
халықаралық Азия – Тынық мұхиты
«ABU Song Festivals»
телефестиваліне қатысты.
2016 жылы жас
әншіге Қазақстан Президентінің мәдениет
саласындағы мемлекеттік степендиясы берілді. 2017 жылғы
Қытайдағы үш айға
созылған «I Am a Singer»(«Мен әншімін») конкурсында
ресми түрде екінші орын алғанымен жалпы
көрермен оны жеңімпаз
деп таныды. Сондай-ақ
ол «Азияның ең
танымал әншісі» номинатциясында «Top Chinese
Music Award» сыйлығын жеңіп
алды. Димаштың 5 октаваны
игерген даусы диапазоны
жалпы көрерменді былай
қойғанда тәжірибелі музыка
сыншыларының өзін таңқалдырды.
Димаш өз әндерін бірнеше
тілде (қазақ, орыс, ағылшын, француз, қытай т.б.) орындайды. Мәдени- көпшілік шараларға
белсене қатысатын ол Алматыдағы Қысқы универсиаданың ашылуына ән
шырқады, «Астана Арена»
стадионында алғашқы жеке
концертін ұсынды. Бұл
концертке әлемнің әр
түкпірінен танымал әншілер
қатысты. Димаштың ата-анасы – белгілі
әншілер Қанат Айтбаев және
Қазақстан Республикасының еңбек сіңірген қайраткері
Светлана Айтбаева.