Әкімов Өтеміс
1938 жылы 20 мамырда Ақтөбе облысы Ойыл
ауданында туған. Атырау педагогика институтын, Орынбор ауылшаруашылық
институтын, Алматы жоғары партия мектебін бітірген. 1961-1975 жылдары Ойыл аудандық
партия комитетінің екінші хатшысы, Ойыл аудандық партия комитетінің төрағасы
қызметтерін атқарды. 1975-1988 жылдары облыстық мәдениет басқармасының бастығы
болды. Осы жылдарда мәдениет және өнер мекемелерінің материалдық-техникалық
базасын нығайтуға, аудандардағы мәдениет желілерінің дамуына үлкен үлес қосты. Аудан
орталықтары мен ауылдарда Мәдениет үйлері, кинотеатрлар салынды, он шақты музей
ашылды, аудандардағы көркемөнерпаздар театрлары мен оркестірлері халыққа
үзіліссіз қызмет көрсетіп тұрды. Ақтөбе қаласында бірнеше ансамбльдер құрылып,
«халықтық » атағына ие болды. Ө.Әкімов «Халықтар достығы», «Құрмет белгісі»
ордендерімен, көптеген медальдармен марапатталған. ҚР Мәдениет саласының үздігі. Қазақстан
Журналистер одағының мүшесі. «Өмір өткелдері», «Әкені еске алғанда», «Өмір
жалғаса береді», т.б жиырма шақты кітаптары жарық көрген.