Жанаманов
Нұрболат
1955 жылы
25 мамырда Ақтөбе облысы Шалқар ауданында туған. Күйші. 1980 жылы Алматы
қаласында жоғары оқу орындары
студенттері арасында өткен республикалық «Көктем -80» сайысында лауреат
атанғаннан бері дәстүрлі күй өнеріне лайықты үлесін қосып жүр. Негізінен
Қазанғап күйлерін шебер орындайды, қазанғаптанушы. Қазақ радиосының алтын
қорында оның орындауындағы Қазанғаптың 14 күйі сақтаулы әрі үзбей беріліп келеді. 2005 жылы Қазанғаптың
150 жылдық мерейтойына орай өткізілген республикалық күйшілер байқауында бас
жүлдені жеңіп алды. «Қазақстан дәстүрлері 1000 күйі» антологиясына Қазанғаптың осы уақытқа дейін белгісіз 4
күйін жаздырды. Жалпы Н.Жанамановтың
репертуарында Қазанғаптың 40-тан
астам күйі бар. Ол-күй жанрында өзгеге ұқсамайтын өзіндік қолтаңбасы бар
дәулескер күйші Қазанғаптың күйлерін
республика көлнмінде өз табиғатымен орындайтын бірден-бір домбырашы. «Ерен еңбегі үшін» медалімен
марапатталған. ҚР Мәдениет саласының үздігі,
Ақтөбе облысы әкімі сыйлығының лауреаты.