Байғанин Момын
1937 жылы 5 қазанда Ақтөбе облысы Темір ауданы Ақсай
ауылында туған. Күйші, домбырашы. Қазақстан Республикасының еңбек сіңірген
мәдениет қызметкері, Қазақ КСР халық ағарту ісінің озық қызметкері. Құрманғазы
атындағы Алматы мемлекеттік консерваториясын бітіріп, еңбек жолын 1958 жылы
Ақтөбе облыстық Мәдениет үйінің халық аспаптары оркестрінің жетекшісі болып
бастаған. 1960-1975 жылдары Ақтөбе мәдени-ағарту училищесінің, 1975-1993
жылдары Ақтөбе педагогикалық училищесінің, 1995 жылдан А.Жұбанов атындағы
Ақтөбе музыкалық колледжінің, Ақтөбе мемлекеттік педагогикалық институтының
оқытушысы болды. Республикалық музыка сайыстарының бірнеше дүркін лауреаты.
Қазақ КСР Білім беру министрлігінің Құрмет грамотасымен марапатталған.