Жанғалиева Бақыт
(1947-2017)
1947 жылы 11 маусымда Ақтөбе
облысы Шалқар ауданы Айшуақ ауылында туған. Театр және кино актрисасы. Қазақ
КСР-інің еңбек сіңірген артисі. 1966 жылы Ақтөбе мәдени-ағарту училищесінің
театр бөлімін, Құрманғазы атындағы Алматы консерваториясының актерлік бөлімін
бітірген. 1968 жылдан М.Әуезов атындағы Қазақ академиялық драма театрының
актрисасы болып, Бәтима (Т.Ахтанов, «Ант»), Баян, Ақтоты (Ғ.Мүсірепов,
«Қозы-Көрпеш-Баян сұлу», «Ақан сері- Ақтоты»), Айман, Әйгерім (М.Әуезов,
«Айман-Шолпан», «Абай»), Шырын (Н.Хикмет, «Фархат-Шырын»), Ақбала
(Ә.Нұрпейісов, «Қан мен тер»), т.б. рөлдерді шебер орындады. Гастрольдік
сапармен Франция , Германия, Ресей, Өзбекстан, Қырғызстан, Татарстан, т.б.
шетелдерде және Қазақстан қалаларында өнер көрсетті. Сондай-ақ «Соңғы ызғар»,
«Намыс», «Әйгерім», «Балкон», т.б. кинофильмдерге түсті. «Құрмет» орденімен,
Қазақ КСР Жоғарғы Кеңесінің Құрмет грамотасымен марапатталған.