ЩУКИН ВЯЧЕСЛАВ ВЛАДИМИРОВИЧ
(1937-2015)
1937 жылы Ақтөбе
қаласында туған. Орта мектепті бітіргеннен кейін Алматы көркемсурет
училищесінде оқыды. Өмірін мұражай саласындағы қызметке арнады. Облыстық
тарихи-өлкетану мұражайын, Мәртөк, Ырғыз, Шалқар, Байғанин аудандық
мұражайларын, Құдықсай мұражайын, теміржол басқармасының мұражайын көркемдеуге,
жабдықтауға тікелей атсалысты. 2000 жылы Кеңес Одағының Батыры Ә.Молдағұлованың
облыстық мемориалдық мұражайын қайта құрып, «Қобда жері-Батырлар елі» деп
аталатын жаңа толық көркемдік экспозиция шығарды. Қалалық көркемдік
шеберханасында 30 жылдан астам уақыт суретші-безендіруші болып жұмыс жасады.
Осы жылдар ішінде ол Ақтөбе қаласының әсем, көрнекті болуына көп еңбек сіңірді.
Суретші турист ретінде бірнеше алыс, жақын шетелдерде болып, Марокко, Франция,
Вьетнам, Индия, Германия, Кубада алған әсерін графика, живопись арқылы көркем
жеткізе білді. 2001 жылы аталған туындылары негізінде Ә.Молдағұлова мұражайында
суретшінің жеке көрмесі ашылды. Кейбір суреттері облыстық тарихи-өлкетану
мұражайының экспозициясында қойылған.
Ақтөбе қаласының Құрметті азаматы.