"Бір нәрсеге, не өнерге талпыну үшін адамға адалмен табандылық қажет."

Әл-Фараби.


Адам бойындағы ізгі қасиеттер туралы айтқанда халқына қадірлі, еңбекқор, елінің өнері мен мәдениетін көркейтуде еңбек сіңірген, ұлтжанды азаматтар ойға түседі. Олар қай жағынан да, алуан құбылып, ғажап нұр шашып тұратын асыл алмаз секілді. Елге жасаған еңбегімен, ізгілікті ісімен халық жадында мәңгілікке сақталған танымал, мәдениет,өнер қайраткерлері облысымызда мақтанышпен айтарлықтай деуге болады. "Өнер әлемі-асыл қазына" атты блогта Ақтөбе облысының мәдениетінің көркеюіне өз үлесін қосқан, туған еліміздің тарихына, тылсым құпия сырларына күш-жігерін, білім-тәлімін, өмірін, бойындағы бар өнерін арнаған биік тұлғалар.

Оразымбетұлы Баймағамбет


Оразымбетұлы Баймағамбет 1900 жылы  Шалқар  ауданында  Алағозы  ауылында  дүниеге  келді. Қолөнер шебері. Жеті атасынан зергерлік өнерін мирас еткен. Бесаспап ұста болған. Кезінде ұжымшарда ұста, ҰОС тұсында Шалқар вагон депосында жұмысшы. Шебер ер-тұрман, әшекей бұйымдарын жасаған. Ерді жасағанда күміс пластинкалармен қиюластырып, сүйек шегелермен бекіткен, неше түрлі өрнектер салған. Б.Оразымбетұлы жасаған ер-тұрман 1944 жылы  Мәскеудің көрмесіне қойылды. Шебердің қолынан шыққан қолөнер бұйымдары ҚР Мемлекеттік мұражайының, Ақтөбе облыстық, Шалқар аудандық мұражайларының қорында сақтаулы. 1992 жылы  Шалқар  ауданында  Сарыбұлақ  ауылында  дүниеден  өтті.