Жаманова Роза Үмбетқызы
(1928-2013)
Жаманова Роза Үмбетқызы – 1928 жылы 16 сәуірде Ақтөбе
қаласында дүниеге келді. Қазақ әншісі сопрано, 1957 жылы Қаз. КСР-інің
еңбек сіңірген артисі, 1959 жылы КСРО халық артисі. 1970 жылы Қазақ КСР Мемлекеттік
сыйлығының лауреаты. «Тарлан» сыйлығының лауреаты. 1954 жылы Құрманғазы атындағы Алматы
консерваториясын бітірген. 1953 жылдан
бастап Абай атындағы Қазақ мемлекеттік академиялық опера
және балет театрының әншісі.
Отандық және классикалық операларда Ақжүніс, Жібек, Сара, Ажар, Татьяна,
Иоланта, мария Александровна, Мадам Баттерфляй, Қамар, Айсұлу, Валентина
Панфилова, Назигум, Амелия, Леонора, Маргарита т.б басты партияларды
шебер орындады. Репертуарында 45
опералық ән бар. Ол Қазақ әдебиеті мен
өнерінің мәскеуде өткен он
күндігінде әншілік орындаушылық шеберлігін айрықша
танытты. Гастрольдік сапармен
Венгрия(1957), Польша(1959), Үндістан(1963), Англия(1971), Сирия(1974),
Болгария (1979), Финляндия(1983), Швейцария(1985) және басқа елдерде болып
қазақ ән өнерін насихаттады. 17 жыл бойы (1962-1979) Қазақ театр қоғамының
төрайымы, 1968 жылдан Халықаралық театрлар институтының мүшесі, вице президенті болды. Ол 3, 6 сайланған КСРО Жоғары Кеңесінің
депутаты, Ленин, Еңбек Қызыл Ту, Халықтар достығы ордендерімен бірнеше
медальдармен, Монғолияның, Эстонияның, Шешен-Ингушетияның Құрмет
грамоталарымен марапатталған.