Жақсыбаев
Аллаберген
1966 жылы 28 сәуірде Ақтөбе облысы Ырғыз
ауданының Жайсаңбай ауылында туған. 1986 жылы Ақтөбе педагогикалық колледжінің
музыка бөлімін, 1994 жылы Қ.Жұбанов атындағы Ақтөбе педагогика институтының музыка
факультетін бітірген. 1987-1989 жылдары әскери борышын атқарып, Мәскеу әскери
округінде Қорғаныс министрлігінің ән-би ансамблінің құрамында болды. Әр жылдары
Әйтеке би ауданында музыка мектебінің директоры, «Алақай» театры жанындағы
«Наурыз» тобының солисі, Ғ.Жұбанова атындағы облыстық филармонияның солисі, ҚР
Қорғаныс министрлігінің Орталық ансамблінің солисі қызметтерін атқарды. 1997
жылы республикалық «Жас қанат» байқауының, 1997 жылы ресейлік «Евразия»
байқауының, 2002 жылы халықаралық «Азия дауысы» байқауының, 2003 жылы
халықаралық «Diskoberi» байқауының жүлдегері болды. ҚР Ақпарат және мәдениет
министрлігінің «Мәдениет қайраткері» белгісінің иегері.